في البداية
كل سنه وانتوا طيبين
قصدي هابي فالانتاين
كل سنة وانتوا طيبين علي عيد ....مش عيد إسلامي لأن للمسلمين عيدين فقط طبعا عيد الأضحي وعيد الفطر ..قصدي العيد الكبير والصغير
ده بالإضافه ليوم الجمعه اللي هوه عيد لكل المسلمين
أنا عارف إن عيد الحب علشان نحتفل بذكري الحب
ويا سلام بقه لما يكون الحبيب مبحبح إيده حبيتين تلاته
انتوا عارفين أنا شفت حاجات غريبة جدااا في الجامعه اللي جايب دبدوب لو وقف علي الأرض هيبقي أطول من الحبيب
وشفت ورد أحمر وبالونات وأشكال وألوان
طب ممكن أسألكوا سؤال هو الحبيب اللي جايب هدية عارف ان حبيبته بتحبه ولا بتلعب بيه
انتوا عارفين أنا أعتقد إن من الصعب تلاقي حد يحبك أو يقف بجانبك
وكمان من الصعب تلاقي صديق يحبك ....من الصعب أوي أوي
أو يخاف عليك أو يحب ليك الخير أكتر من نفسه يعني إيثار
لكن كل ما نجد هو الأثره
كل ده بيكون صعب أوي علي الإنسان الطيب ...قصدي العبيط
أنا مش عارف كلامي ده صح ولا غلط
بس أنا متأكد ان اللي شايف حاجه تانيه غير ده يبقي غلطان
مع السلامه وكل فالانتاين وإنتوا بخير
4 comments:
اعتقد انك متشائم شوية ويمكن لو دورت كويس ممكن تلاقي حد يحبك ويخاف عليك من غير اي مصلحة شخصية اكيد الدنيا فيها ناس كويسة كتير بس بدليل انك واحد منهم علشان انت بتدور عليهم وتأكد ان في شئ مشترك بينكم هو اللي هيجمعكم
) طب ممكن أسألكوا سؤال هو الحبيب اللي جايب هدية عارف ان حبيبته بتحبه ولا بتلعب بيه )
هو انت حبيت وحبيبتك لعبت بيك ؟
ده سؤال.................
أما عن انه من الصعب انك تلاقى حد يحبك أو يقف جانبك أيوة ده فعلا حاجة صعبه وماحدش قال انها سهله ولا حد هايقول
أما عن انك تلاقى حد يقف جانبك فاحب اقول لك انك لو وقفت جانب الناس لما يحتاجونك فتاكد انهم هايقفوا جانبك لما تحتاجهم
أما انه من الصعب تلاقى صديق يحبك فانا قلت لك انك لازم تبص لاى موضوع من كل الزوايا ولو الرقم اللى بينكم هو سبعه واحد فيكوا هايشوفوا سبعه واللى واقف وراه هايشوفوا تمانيه لازم واحد فيكوا يغير مكانه علشان يشوف اللى صديقه شايفه فحاول تغير مكانك علشان تشوف التمانيه لانها بتتقرا من ناحيتين سبعه وتمانيه
واما عن انه من الصعب انك تلاقى صديق يخاف عليك اوى اوى او يحي ليك الخير فجايز يكون الصديق اللى بيتهيالك انه جرحك يكون جرح نفسه وهو بيحاول ما يجرحكش وانت ما تعرفش
اما عن موضوع الاثره والايثار فبيتهيالى ما ينفعش حد يعطيك حاجة مش بتاعته لو كان حد اعطاها له فمش من حقه يديها لحد تانى لانه مايملكهاش هى معاه ايوه بس بتاعته علشان يديها لحد تانى لا
صحيح ولا انا غلطانه
اولا مبروك المدونه الجديدة وربنا يجعلها فاتحه خير لك وتكتسب من خلالها اصدقاء جدد كل غرضها الحب فى الله مدونتك جميله وافكارك حلوة فعلا بالنسبه لموضوع انك تلاقى انسان يحبك بجد اولا الاخلاص قل بين الناس لان الدين قل كتير علشان كدة المصالح اصبحت هى الغالبه على فكرة انا اكبر منك وخلصت جامعه من فترة ومريت بناس كتير لم يراعوا اى صداقه عارف بالصبر وانك تعمل ربنا بس ممكن تكون عملت خير فى حد ولم يقدر ذلك لك وبعدين تنسى خالص بس ربنا بقى لم ينسى تجد الخير دة جالك من ناحيه تانيه خالص وفى وقت انت فى اشد الحاجه لهذا الخير ولهذه المساعدة صدق اخت لك فى الله اكبر منك ورأيت كتير خلال دراستى سواء فى المدرسه او الجامعه او حتى فى حياتى بعد التخرج اعمل انت بس ربنا هاتلاقى سعادة ما بعدها سعادة وربنا يرزقك كل خير ويحقق لك كل ما تتمنى امين يارب العالمين
well ahmed as i told u be4...ur fingers r not alike...and u realy should get rid of ur Pessimism ...maybe ur destiny is waiting for u to come...u should from now on to look infront of u and never ever to look behind..and iam sure if u just thought 4 amoment about ur destiny...u will know that ur other half is waiting for u and her to be one again..and about friends iam with u that they r hard to find but maybe u have found them but u just cant see the big picture ...which is ...ur friend cares about u and about ur feelings more than u even know...and this friend never intended to hurt u cuz if this friend hurt u then he had hurt him self...just think about it...and keep on the good work ...i am looking forword to ur next subject...peace
Post a Comment