كل نفس ذائقة الموت

حد فكر قبل كده في ساعة موته؟؟؟حد فكر انه في يوم من الايام هييجي ملك الموت ويقبض روحه؟؟؟حد فكر إزاي هيقف أمام الله سبحانه وتعالي ؟؟هل جهزت زادك وعتادك؟؟؟

أنا كنت بكتب عن الموضوع ده من فترة ،بس كل أما أبدأ فيه مش بقدر أكمله للآخر

هل إحنا عبدنا الله حق عبادته علشان نكون مستعدين للقاء الله؟؟؟؟

هل حافظنا علي الصلاه وحفظنا القرآن ووصلت عبوديتنا لله درجة الإيمان؟؟؟؟

أنا بزعل لما أسمع واحدمن أصحابي بيقول ان نفسه يحافظ علي الصلاه

يااااه بعد ما بقي انسان بالغ لسه جاي يحافظ علي الصلاه أو يتقرب من ربنا

أنا فاكر مرة واحد من أصحابي وهو خارج من المسجد قابله شاب عنده حوالي 24 سنه بيقوله أنا نفسي أصلي ...طبعا كنا في ثانويه عامة وصاحبي مش عارف يقوله حاجه وفي الاخرقاله قول سبحان الله والحمد لله والله أكبر وانا متأكد ان الشاب ده سمع الكلمتين دول وضحك ومشي لكن الله أعلم ربنا يهديه ويهديناااا

أنتوا عارفين إحنا مشكلتنا في العالم الإسلامي أن الداعية أو الإمام لما بيييجي يتكلم عن تارك الصلاه مثلااا أو تارك العباده يقول انه حرام عليه وده ملعون وربنا غاضب عليه وقال الله وقال الرسول ويقول أشد آيات العذاب وطبعا كلام الله أو الرسول فوق كل الرؤوس بس الداعيه مش عارف يقول إن تارك الصلاه حرام عليه بس ممكن يتوب وإن الداعية بنفسه ممكن يعلمه الصلاه أو العباده واحده واحده

دي مشكلة المذنبين في حق الدين ، يبقي عايز يتوب بس يخاف حد ينبذه لكنه مش عاترف ان الله يفرح بتوبة عبده

طب ممكن أسألأكوا سؤاال حد فكر قبل كده كيفية صناعة موته ... حد فكر قبل كده يتمني يموت إزاي

أنا بزعل جداا كل يوم جمعه في نهاية الخطبة في الدعاء كل المصلين يقولوا آمين لكن والله العظيم

عند دعاء " اللهم أمتنا شهداء في سبيلك " مش بسمع إلا قليل جدا من المصلين بيقولوا آمين واللي بيأمن ورا الامام بيكون أقل من ربع

المسجد ، محدش يستغرب لكن والله ده اللي بيحصل كل جمعه

وهو ده اللي مخلينا أمة ضعيفة ، أنا أفتكر قول سيدنا عمر ابن الخطاب رضي الله عنه " ان الأمة التي لاتحسن صناعة الموت أمة ضعيفة

مكن واحد يسأل نفسه هو خايف من ساعة الموت ؟؟؟ وما الطريقة التي يود أن يموت بها؟؟؟؟؟؟؟؟؟؟: والله لو سأل كل واحد نفسه هذا

السؤال لانصلح حاله " وعن تجربة والله

جربوا الكلام ده .. وادعولي في الآخر